பூமி திருத்தி உண்

பாம்பு புடலை மற்றும் வரிப்புடலை ரகங்கள்:  7 முதல் 10 அடி நீளம் வரை வளரக்கூடியவை. பெருவணிக சந்தைக்கு உகந்ததாக இல்லை என்றாலும், உள்ளூர் சந்தைகளுக்கும் வீட்டுத் தோட்டங்களில் பயிரிடுவதற்கும் ஏற்ற ரகமாக இருக்கும். காய் நன்கு முற்றி 7-9 அடி நீளம் வரையிலும் வளர்ந்த பின் தான் அறுவடை செய்ய வேண்டும் என்பதில்லை, ஒரு காய் நான்கைந்து அடி நீளம் வளர்ந்துவிட்டால் தங்கள் வீட்டு தேவைக்கு அந்த காய் போதும் என்றால் அந்த காயை அறுவடை செய்து வீட்டு தேவையை பூர்த்தி செய்யலாம். ஓரளவு முற்றும் முன்பே அறுவடை செய்து வந்தால், நிறைய காய்கள் காய்க்கும். ஒரு காயை நன்கு நீளமாக வளரும் வரை விட வேண்டும் என்றால், அடுத்தடுத்த காய்கள் காய்ப்பதற்கு தாமதமாகும், விளைச்சல் குறையும். விதைக்காக தேர்வு செய்யும் காயை மட்டும் பழமாகும் வரை கொடியிலேயே விட்டு பிறகு அறுவடை செய்து விதையை எடுக்கலாம். உணவுக்காக பிஞ்சாக அறுவடை செய்து நிறைய விளைச்சல் பெறலாம். நாட்டு ரக விதைகள் பெறுவதற்கு 085263 66796 என்ற எண்ணிற்கு whatsapp செய்யலாம் அல்லது www.aadhiyagai.co.in என்ற இணையதளத்தை பார்வையிடலாம் Paramez Aadhiyagai Aadhiyagai Seedsavers Farm

 நாம் தற்போது அன்றாடம் பயன்படுத்தும் தாவர உணவுகளில் பெரும்பாலானவை நம் பகுதிக்கான உள்ளூர் ரகங்களாக இருப்பதில்லை. நிறைய உணவு பயிர்களின் பூர்வீகம் வெவ்வேறு நாடுகளாக இருக்கின்றன. இவை நம் உள்ளூர் ரகங்கள் இல்லை.. அதனால் இவற்றின் விதைகளை சேகரிக்க தேவையில்லை.. பயின்படுத்த தேவையில்லை என கூற இயலாது இல்லையா..  பழங்கால மனிதர்கள் காடுகளில் வாழ்ந்த போது காடுகளில் கிடைக்கும் உணவுகளை தங்களுக்கான உணவு என முதலில் அடையாளம் கண்டு கொண்டனர். பிறகு அவற்றை உணவாக எடுத்துக் கொண்டனர். அதன் பிறகு அந்த தாவரங்களின் பழங்களை, காய்களை, தானியங்களை உணவாக உட்கொண்டுவிட்டு மீதமிருந்த விதைகளை தாங்கள் வாழ்ந்த இடங்களுக்கு அருகிலேயே வீசி எறிந்தனர். அவை முளைத்து வந்து மீண்டும் தங்களின் உணவுகளை பூர்த்தி செய்தது. அதன் மூலமாக தாங்கள் சேகரித்து வந்த தாவரங்களின் பொருட்கள் தங்கள் உணவு தேவையை மட்டும் பூர்த்தி செய்யவில்லை. அவற்றிலிருந்து புதிதாக தாவரங்களையும் உருவாக்க முடியும், அவற்றை விதைப்பதன் மூலம் தங்களுக்கு அருகிலேயே அந்த உணவு கிடைக்கும் போன்ற அடிப்படைகளை உணர்ந்தனர். இவ்வாறாக உணர்ந்த பின்னரே, பின் நாட்களில் தங்களுக்கு என ...